Azərbaycanın FM tezliyində yeni radionun adı məlum olub. Trend-in məlumatına görə, Azərbaycan Milli Televiziya və Radio Şurasının (MTRŞ) bu gün keçirilən iclasında qalib "Radio Azad xəbər" olub.

MTRŞ sədri Nuşirəvan Məhərrəmli bildirib ki, bu kanalda ictimai, siyasi, mədəni, iqtisadi və sosial xəbərlər veriləcək, əyləncəli xəbərlər yayımlanmayacaq.

"Bu kriteriyaya görə həmin radio müsabiqənin qalibi seçilib", - Məhərrəmli deyib.

Yeni radiokanalın yaradılması üzrə elan edilən müsabiqə ilə bağlı üç müraciət daxil olub.

103.3-cü FM tezliyində yer almaq üçün "Radio Azad xəbər", "Radio Obyektiv" və "Alternativ radio" tərəfindən müraciət olunub.

Müraciət edənlərdən ilk ikisi hüquqi, üçüncüsü fiziki şəxsdir.

103.3-cü FM tezliyində yer alacaq radio kanalı üzrə müsabiqə üçün noyabrın 25-dən dekabrın 25-ə qədər sənəd qəbulu ... Xeberin Ardi

Azərbaycanın Biləsuvar rayonunda zəlzələ olub.

Zəlzələ cümə günü yerli vaxtla saat 01:58-də Biləsuvar rayonunun ərazisində baş verib. Bu barədə AMEA-nın Respublika Seysmoloji Xidmət Mərkəzindən məlumat veriblər.

Gücü 3,1 bal təşkil edən zəlzələnin ocağı 40 kilometr dərinlikdə olub.

Zəlzələ hiss olunmayıb.

Bakıda quşçuluq fermasında yanğın olub.

Fövqəladə Hallar Nazirliyinin internet saytının cümə günü yaydığı məlumata görə, Bakı şəhəri Sabunçu rayonunda "Sat-İnzeft" MMC-yə məxsus ümumi sahəsi 1400 kv.m olan quşçuluq fermasında baş verən yanğın zamanı fermanın içərisində olan cücələr tələf olub.

Yaxınlıqdakı ferma yanğınsöndürənlər tərəfindən yanğından mühafizə olunub.

Bakının Binəqədi rayonunda yerləşən dövlət kitabxanasında yanğın baş verib. 

Fövqəladə Hallar Nazirliyinin Dövlət Yanğından Mühafizə Xidmətinin növbətçi hissəsindən cümə günü Trend-ə bildirilib ki, 1 saylı çağırışla hadisə yerinə 4 yanğınsöndürən maşın cəlb olunub.

Fövqəladə Hallar Nazirliyinin Bakı şəhər Yanğın Təhlükəsizliyi İdarəsindən Trend-ə bildiriblər ki, yanğın artıq söndürülüb. Hadisənin səbəbi məlum olmasa da, yanğının qısaqapanmadan baş verdiyi ehtimal olunur.

Yanvarın 13-də Azərbaycanda səfərdə olan Avropa Komissiyasının sədri Joze Manuel Barrozu Prezident İlham Əliyevlə birgə mətbuat konfransında çıxışı zaman digər məsələlərlə birlikdə Ermənistan-Azərbaycan, Dağlıq Qarabağ münaqişəsi barədə danışarkən Azərbaycan Respublikasının ərazi bütövlüyünü dəstəklədiyini bildirib.

"İcazə verin, onu da bildirim ki, Avropa İttifaqı əlbəttə ki, tərəfdaşlarının, o cümlədən Azərbaycanın ərazi bütövlüyü prinsipini dəstəkləyir. Biz ATƏT-in Minsk qrupunun səylərini tam dəstəkləyirik və etimad yaratma tədbirlərini maliyyələşdirməyə hazırıq", - Barrozu deyib. Bu barədə Azərbaycan XİN-in mətbuat xidmətinin məlumatında deyilir.

Xarici İşlər Nazirliyi dərin narahatlıqla bildirir ki, Barrozunun xarici və yerli kütləvi informasiya vasitələri qarşısında etdiyi çıxış Avropa Komissiyasının rəsmi internet səhifəsində tam şəkild ... Xeberin Ardi

Türkiyənin energetika və təbii sərvətlər naziri Taner Yıldız Türkiyə və Azərbaycan ticari-iqtisadi əməkdaşlığı üzrə hökumətlərarası komissiyanın şənbə günü keçiriləcək altıncı iclasında iştirak etmək üçün Bakıya səfərə gələcək. Bu barədə Trend-ə Türkiyənin Energetika Nazirliyindən bildiriblər. Səfər zamanı türkiyəli nazirin Azərbaycan Prezidenti İlham Əliyev və Baş nazirin ...

Azərbaycanın Fövqəladə Hallar Nazirliyi ötən il Bakıda təhlükəsizlik tələblərinə cavab verməyən 50-yə yaxın yeni bina aşkar edib. Bu barədə cümə günü jurnalistlərə FHN-in Tikintidə Təhlükəsizliyə Nəzarət Dövlət Agentliyinin Baş Dövlət Tikinti Müfəttişliyinin rəisi Xalid Nəcəfov bildirib.

"Hazırda bu binalar istismardadır, lakin FHN-in rəsmi qərarını almayıb", - Nəcəfov Xəzər-Avropa İnteqrasiya İşgüzar Klubunun (CEIBC) iclasında deyib.

Onun sözlərinə görə, qurğuların möhkəmləndirilməsi üzrə işlərin aparılmalı olduğu bu binaların sakinləri müvəqqəti olaraq köçürüləcək, təhlükəsizlik tələblərinə tamamilə cavab verməyən binalar söküləcək.

FHN-in əməkdaşı vətəndaşlara mənzilə köçməmişdən əvvəl FHN-in qərarı olduğunu dəqiqləşdirməyi məsləhət görüb.

Azərbaycanda adlarla bağlı ayrıca qanun hazırlamağa ehtiyac var. Bunu cümə günü Trend-ə Milli Məclisin Mədəniyyət komitəsinin sədri Nizami Cəfərov bildirib. "Azərbaycan Milli Elmlər Akademiyasının İnformasiya Texnologiyaları İnstitutu adların siyahısı ilə bağlı çox işlər görüb", ...